Það er skoðun okkar hjá ISS Ísland að starfsmenn eigi rétt á að fá hrós þegar vel er gert. Okkur Íslendingum er ekki gjarnt að hrósa og við eigum oft erfitt með að taka við hrósi. Í hrósi er hins vegar fólgin viðurkenning á að vel sé gert og í því felst lærdómsferli; maður veit þá betur hvað vekur ánægju viðskiptavinar og á þann hátt getur starfsmaður unnið markvissar að uppfylla þarfir viðskiptavinar.
Við framkvæmum könnun meðal okkar viðskiptavina einu sinni á ári og sé viðskiptavinur ánægður með þjónustuna, komum við þeim skilaboðum til starfsfólks okkar. Það er okkar trú að mikilvægt sé að koma hrósi til starfsmanna okkar fyrir vel unnin verk því það leiðir af sér betri verk og meiri starfsánægju.
Grundvallar upplifun fólks á hreinu og vistlegu umhverfi er vellíðan. Við viljum að starfsmönnum okkar og viðskiptavinum líði vel, því við erum að skapa vellíðan !